2021-jılı 11-oktyabr kúni Qaraqalpaqstan Respublikası Moynaq rayonında Ózbekstan ekologiyalıq partiyasınan Ózbekstan Respublikası Prezidentligine talaban Narzullo Naimovich Oblomuradov penen ushırasıw bolıp ótti. Ushırasıwdı Berdaq atındaǵı Qaraqalpaq mámleketlik universiteti Biologiya fakulteti dekanı, biologiya ilimleri doktorı Yakub Idrisovich Ametov ashıp berdi. Ushırasıwǵa ekologlar, Moynaq rayonı belsendileri, medicina xızmetkerleri, nuraniyler, joqarı oqıw ornı student jasları menen bir qatarda Qaraqalpaq mámleketlik universiteti Ekologiya hám topıraqtanıw kafedrası professor oqıtıwshıları, magistrantlar hám Biologiya fakulteti student jasları qatnastı. Sonıń menen birge videokonferenciya arqalı Qaraqalpaqstan Respublikasınıń barlıq rayonlarınan saylawshılar qatnastı. Ushırasıwda Ózbekstan ekologiyalıq partiyasınan Ózbekstan Respublikası Prezidentligine talaban Narzullo Naimovich Oblomuradov saylawshılardı óziniń saylaw aldı baǵdarlaması menen tanıstırdı. Ushırasıwda saylawshılar ózlerin qızıqtırǵan sorawlarına juwaplar aldı. Ushırasıw Moynaq royonı Jaslar orayında dawam etip bul jerde Narzullo Oblomuradov jaslar menen ushırastı hám olardı qızıqtırǵan sorawlarına juwaplar berdi.

Ekologiya hám topıraqtanıw kafedrası
stajyor oqıtıwshısı Q.Turdıbaev