Usı jıldıń  22-oktyabr kúni Fizika fakulteti studentleri menen pedinstitutta bolıp ótken «Fizika hám Ekologiya» atlı respublikalıq ilimiy-ámeliy konferenciya haqqında hám ustazımız Baxıt aǵanıń dokladı menen tanıstırıw maqsetinde ushırasıw shólkemlestirildi.

  Bizler de gruppalasım Ulzada Eshniyazova hám ilimiy basshımız Baxıt Jollıbekov benen birgelikte bul respublikalıq ilimiy-ámeliy konferenciyada qatnastıq.

     Konferenciya júda mazmunlı bolıp ótti. Bir neshe dokladlar tıńlandı, ásirese bul konferenciya biz student jaslar ushın úlken tájriybe maydanshası boldı desek adaspaymız.

    Konferenciyanıń 2-kúni Moynaq rayonında dawam etti. Bul jerde ustazımız Baxıt aǵa óz dokladın qatnasıwshılarǵa usındı.

 Fakultetimizde usı konferenciya boyınsha dodalaw bolıp ótti.

 Bul ushırasıwdı fakultet dekanı Abat Muratov ashıp berdi hám Ulzada Eshniyazova hám meni institut rektorı tárepinen konferenciyaǵa belsene qatnasqanı ushın berilgen sertifikat benen sıylıqladı. Bul bizler ushın qaratılgan úlken itibar boldı.

     Soń Ulzada menen konferenciya tuwralı tayarlap kelgen prezintaciyamızdı student jaslarǵa jetkerip beriwge háreket etdik.

  Ushırasıw dawamında Baxıt aǵa Jollibekovtıń «XIX ásirdegi Magnit stanciyası» atlı dokladın esittik.

    Ushırasıw sońında 2-kurs studentiniń ózi qolı menen  islegen laboratoriyalıq ásbabı járdeminde tájriybe kórsetildi.

   Ushırasıwda dokladlar  student jaslar hám professor oqtıwshılar  tárepinen qızıǵıwshılıq penen tıńlandı.

   Biz student jaslar ushın ajıratılǵan imkaniyat  hám qaratılǵan itibar ushın ayrıqsha raxmet aytamız.

                             Fizika fakulteti studenti

   Raxima Omarova