Universitetiń Qaraqalpaq filologiyası hám jurnalistika fakulteti bakalavr tálim baǵdarı 4-a kurs studentleri oqıw jılınıń dáslepki kúnlerinen-aq I.Yusupov atındaǵı dóretiwshilik mektebinde pedagogikalıq ámeliyatın ótep kelmekte. Ámeliyatshı studentler mektepte muǵallimlerdiń sabaqların baqlap barıw menen, birqansha ádebiy kesheler hám sonıń menen birgelikte «Ashıq sabaq»lardı da shólkemlestirip kelmekte. Usınday sabaqlardan biri 20-oktyabr kúni ámeliyatshılar A.Ayapbergenova, A.Turdıbaeva, U.Aytmuratova, D.Asanovalar tárepinen shólkemlestirildi.
Ashıq sabaqlardı ámeliyatshılarǵa bekitilgen metodistlerden Sh.Allaniyazova, G.Toqımbetova, sonday-aq pán muǵallimleri hám ámeliyatshı studentler baqlap otırdı. Sabaqlarda ámeliyatshılar bar bilimlerin oqıwshılar menen birgelikte bólisip, olarǵa ele de tereń bilim alıwına járdem berdi. Sabaq barısında qollanılǵan interaktiv metodlar, qol óneri járdeminde salınǵan metodlarǵa baylanıslı súwretler hám kórgizbeli qurallar sabaqtıń jaqsı ótiwinde ayrıqsha orın iyeledi.
Bunday sabaqlardıń shólkemlestiriliwi ámeliyatshılardıń keleshekte tájiriybeli oqıtıwshılar qatarına qosılıwına sebep boladı.
Dilnaz Asanova
Qaraqalpaq filologiyası hám jurnalistika fakulteti 4-a kurs student
