Berdaq atındaǵı Qaraqalpaq mámleketlik universiteti studentleri arasında gaz iyisinen záhárleniwdiń aldın alıw boyınsha túsinik jumısları dawamlı túrde alıp barılmaqta.
Universitettiń bir qatar juwapker xızmetkerleri Ayrıqsha jaǵdaylar basqarması hám Órt qáwipsizligi qániygeleri qatnasında studentler turar úyinde hám ijarada jasawshı studentler menen ushırasıp, túsinik jumısların alıp bardı.
Qániygeler student jaslarǵa órt kelip shıǵıwınıń aldın alıw, ıssılıq, gaz, elektr energiyalarınan paydalanıwda ıtibarlı bolıwǵa jáne olardan paydalanıw qaǵıydalarına ámel etken halda qalay paydalanıw kerekligi haqqında túsindirip berdi.
Gaz iyisinen záhárleniwdiń aldın alıw, morınıń tıǵılıwı, elektr energiyasınıń nasazlıqları boyınsha Ayrıqsha jaǵdaylar basqarması hám Órt qáwipsizligi qániygeleri tárepinen órt hám ayrıqsha jaǵdaylar hám puqaralardıń gaz iyisinen záhárleniwdiń aldın alıw boyınsha kórgizbeli qollanbaları tarqatıldı.
Qaraqalpaq mámleketlik universiteti Baspasóz xızmeti
