Prezidentimizdiń basshılıǵında milliy qádiriyatlarımızdı, elimizdegi tariyxıy hám mádeniy esteliklerdi qásterlep saqlaw, úyreniw hám qorǵawǵa ayrıqsha dıqqat qaratılmaqta.

2018-jıl 19-dekabr kúni «Materiallıq mádeniy miyras obektlerin qorǵaw tarawındaǵı xızmetti túp-tiykarınan jetilistiriw is-ilájları haqqında»ǵı PQ-4068-sanlı qararı materiallıq mádeniy miyras obektlerin qorǵaw, ilimiy úyreniw, olardan aqılǵa sáykes paydalanıw hám  elimizdiń turistlik potencialın joqarılatıwda olardıń ornı hám áhmiyetin asırıwda materiallıq mádeniy miyras tarawındaǵı mámleketlik qadaǵalawın túpten jetilistiriwde úlken áhmiyetke iye bolmaqta.

Berdaq atındaǵı Qaraqalpaq mámleketlik universiteti Tariyx fakulteti «Arxeologiya» kafedrası baslıǵı, t.i.k., docent J.Hakimniyazov, t.i.k., docent M.Turebekov hám de assistent-oqıtıwshı M.Tolıbaevlar basshılıǵında Arxeologiya tálim baǵdarınıń 1-kurs studentlerin arxeologiyalıq laboratoriyada saqlanıp atırǵan arxeologiyalıq eksponatlar menen jaqınnan tanıstırıw maqsetinde 2021-jıl 26-oktyabr kúni usı laboratoriyada boldı.

Bul jerde bolajaq jas arxeologlarǵa tabılǵan materiallardı qayta tiklew, muzeylestiriw, fotofikaciya jumısların alıp barıw, unikal tabılmalar menen tanıstırıw, dizimge alıw, eksponat katalogların jaratıw hám de ilimiy maqalalar tayarlaw boyınsha keń túsinikler berilip ótildi.

Sonday-aq qosımsha tárizde ámeliyat payıtında ámelge asırılatuǵın zárúrli jumıslar hám máseleler menen jaqınnan tanıstırılıp, student jaslar ámeliyat kúndeliklerin qanday júritiw kerekligin hám olardı turaqlı túrde qanday tolıqtırıp barıw kerekligi boyınsha túsinik hám kónlikpeleri jetilistirildi.

 Arxeologiya kafedrası