Universitetimiz Shet tilleri fakulteti Awdarma teoriyası hám ámeliyatı kafеdrası Gid joldaslıǵı hám awdarma xizmeti tálim baǵdarı studentleri ózgeshe bir jańalıq isledi, yaǵnıy studentler Universitetimizde birinshi márte kafedra oqıtıwshımız Arzımbetova Sarbinazdıń basshılıǵında Gid klubın ashtı hám bul klubtı «Unıted guıdes » dep atadı.
Bul klubtıń maqseti Qaraqalpaqstandaǵı ata-babalarımızdan qalǵan eski, tarıyxıy, qalalarımızdıń joq bolıwınıń aldın alıw hám olar haqqında eń birinshi óz xalqımızǵa keńnen maǵlıwmatlar beriw hám onı shet mámleketlerge tanıtıw. Bul islerdi islew ushın bizlerdiń klubımız usı qalalardı jaqsılap úyrenip, olar haqqında tolıǵraq maǵlıwmatqa iye bolıp hám olardı barıp izeritlep kóriwdi rejelestirgen. Házirde klubımız bul islerdi teoriyalıq jaqtan alıp barmaqta hám qalalarımız haqqında maǵlıwmat jıynamaqta. Ashılıw keshesinde fakultetimiz dekanı Djavod Kurbanbaev hám kafedramız baslıǵı Jetkerbay Seytjanov sózge shıǵıp, klubımız tuwralı ózleriniń isenimin bildirip, klubımızǵa áwmet tiledi.
Klubımız aǵzaları keshemizge kelgenlerge ózleri jıynaǵan maǵlıwmatların, prezentaciyaların, videoroliklerin kórsetip ótti. Keshe sońında auditoriyanıń bilimin sınaw ushın qızıqlı oyınlar ótkerip, jeńimpazlarǵa óz logotipi túsirilgen sawǵaların berip ótti.
