Seminar Ekonomika fakulteti professor-oqıtıwshısı, házirgi waqıtta AQSHtıń Hartwick kolledjinde 4 aylıq qánigeligin asırıp atırǵan  

Z.Tajekeev tárepinen shólkemlestirildi.

Seminar Ekonomika fakulteti kafedraları menen Hartwicktin` “Biznesti basqarıw ham buxgalteriyalıq esap” kafedrası ortasındaǵı islenip atırǵan joybar sheńberinde ámelge asırıldı.

Qaraqalpaq mámleketlik universiteti Ekonomika fakultetinde АQSh tıń Nyu-York shtatı Hartwick kolledjiniń biznesti basqarıw hám buxgalteriyalıq esap kafedrası professorı, “Biznesti basqarıw hám buxgalteriyalıq esap” kafedrasınıń baslıǵı Dr. Aaron R. Stepens tárepinen “statistikalıq metodlar járdeminde Ózbekstannıń sırtqı sawda iskerlikleri hám imkaniyatların anıqlaw” atamasında ilimiy seminar ótti. Ótkerilgen ilimiy seminarda ótken 2017-2021-jillardaǵı Ózbekstanda sawda (eksport-import) iskerligi boyınsha ámelge asırılǵan jumıslardı statistikalıq jaqtan muǵdarlıq kórsetkishlerin úyrene otırıp olarǵa sapalıq sıpatlama berildi. Bul boyınsha bir qansha usınıslar keltirilip ótildi.

Ilimiy seminarǵa Berdaq atındaǵı Qaraqalpaq mámleketlik universiteti Ekonomika fakulteti professor oqıtıwshıları, izleniwshiler, magistrantlar hám student jasları belsene qatnasıp, qızıqtırǵan sorawlarına juwaplar aldı.

Bul virtual rejiminde ótkerilgen ilimiy seminarǵa Respublikamızdıń basqa da joqarı oqıw orınları, atap aytqanda Tashkent MAU hám Nókis filialı, Tashkent mámleketlik ekonomika universiteti professor-oqıtıwshıları hám student jasları da qatnasıp, qızǵın soraw-juwaplarǵa bay bolıp ótti.

Q.Ismailov, Ekonomika fakulteti docenti, e.i.k.