Usı jılı 24-noyabr’ kúni Qaraqalpaq mámleket universitetinde Hayal-qızlar Keńesi baslıǵı I. Seytnazarova bashlıqlıǵında Ózbekstan Respublikası Máhelle hám shańaraqtı qollap-quwatlaw ministrligi janındaǵı Hayallardı reabilitatsiya qılıw hám maslastırıw Qaraqalpaqstan Respublikası aymaqlıq bólimi menen birgelikte “25 noyabr’ – Hayal – qızlarǵa qarara zorlıqqa tiyim beriw xalıq aralıq kúni” munasábeti menen “ZORLIQQA JOL JOQ” uranı astında keńeytirilgen seminar -jıynalısı ótkerildi.
Ushırasıwdı universitet rektori A. Reymov ashıp berdi hám óz sózinde búgingi kúndegi jaslarǵa jaratılıp atırǵan múmkinshilikler, sonday-aq, universitet jaslarınıń tabıs hám itibardarǵı máseleler haqqında aytıp ótti.
Onnan keyin Qaraqalpaqstan Respublikası ministrler keńesi baslıǵınıń orınbasarı R. Saparbaev “Insan erkinligi hám diniy shólkemler menen sheriklikte islew” temasında sóz sóyledi.
Ishki isler ministrligi Huqıqbuzarliqlar profilaktikası basqarması baslıǵı orınbasarı hayal-qızlar bólimi baslıǵı mayor T. Karlibaeva- “Basim hám zorlıqtan jábirlengen hayal-qızlarǵa qorǵaw orderin beriw tártibi tuwrısında” túsinikler berdi.
Ádillik ministrligi bas yurist máslahátshisi N. Qutlimuratova – “Hayal-qızlardı basim hám zorlıqtan qorǵawdıń huqıqıy tiykarlari”, atamasinda, Universitet Rektorining hayal-qızlar máseleleri boyınsha máslahátshisi I. Seytnazarova “Hár bir hayal mámleket qorǵawıda” temasında,
QRXBXQT hám QA aymaqliq orayı “Pedagogika psixologiya, tálim texnologiyaları” kafedrası basligi, psixologiya ılmlerı doktorı, dotsent M. Uteppergenov – “Shańaraqqa tiyisli zorlıqlar kelip shıǵıwınıń psixologiyalıq sebepleri hám sheshimleri” temasında,
Qaraqalpaqstan Respublikası Máhelle hám shańaraqtı qollap-quwatlaw ministrliginiń bólim baslıǵı M. Turdimuratova “Zorlıqsız shańaraq-salamat shańaraq” temasında Qaraqalpaqstan Respublikası Hayallardı reabilitatsiya qılıw hám maslastırıw orayı direktorı S. Nasirova – Ózbekstan Respublikası Prezidentiniń 2021 jıl 19 maydaǵı “Zorlıq isletiwden jábir kórgen hayal-qızlardı reabilitatsiya etiwge tiyisli qosımsha ilajlar tuwrısında”gi Qarar mazmun mánisi haqqında,
Qaraqalpaqstan Respublikası Hayallardı reabilitatsiya qılıw hám maslastırıw orayı bas psixologı R. Amanova – “Biz shańaraqtaǵı zorlıqqa qarsımiz” temasında psixologiyalıq treningi, universitet psixologı G. Reymbaevaning «Siz ǵárezsiz turmısqa tayınsiz ba? » atlı psixologiyalıq treningi bolıp ótti.
Barlıq fakul’tetlerden qamtıp alınǵan 100ge jaqın student jaslar aktiv qatnasıp, omirdiń zárúrli psixologiyalıq huqiqiy táreplerin úyrendi.
Qızǵın tartıslarǵa bay ótken jıynalıs hám seminar -trening sońǵında qatnasıwshısılar ózlerin qızıqtırǵan psixologiyalıq hám huqıqıy máseleler boyınsha sorawlarına qánigeler tárepinen individual máslahát-konsul’tatsiyaların aldı.
