Òmirde sonday insanlar bar, olar arqalı gòzzallıq jaratıladı. Gòzzallıq bolsa adam kòzin quwantıp, òzgeshe bir zawıq baģıshlaydı. Dòretiwshi insanlar bar eken gòzzallıqtıń tùrleri artıp baradı. Sol dòretiwshiler arasında Qàlligúl Amanbaeva da bar.
Qàlligùl Amanbaeva Qaraqalpaq màmleketlik universiteti «Hùrliman» xalıq ansambiliniń kastyumeri. Bul insan universitetimizde 1981-jıldan berli òz dòretiwshiligin alıp barmaqta. Sàl kem yarım àsir, yaģnıy 40 jıllıq ùlken tàjriybe hàm  miynet jolı.  

«Hàr bir kiyim men ushın qàdirli» -dedi Qàlligúl Amanbaeva.

Bul kiyimlerdi Moskva hàm taģı basqa qalalardan alıp kelgenmen, dep sol dàwirlerdi eske aldı .

Hàzir jası birazģa kelgen menen de qolına iyne hàm sabaq alıp taqiya, milliy bas kiyimlerin òzi tigip, òzi òzgeshe sàn berip otıradı. Lipaslar jàmlenbesinde 30 dan aslam millettiń milliy kiyimleri jàmlengen. Universitetimizde shòlkemlestirilgen bayram saltanatlarında qızlarımızģa jarasıqlı, milliy kiyimlerdi saylap òz pikiri, usınısları menen bòlisedi. Bizler bul

insandı ustazlarımız qatarında hùrmet etemiz. Jumıslarında àwmet yar bolıwın, miynet jolında sharshamawın tilep qalamız.

Patshaxanova Aysulıw