Berdaq atındaǵı Qaraqalpaq mámleketlik universiteti Hayal-qızlar máslahát Keńesi baslamasi menen Dene mádeniyatı fakulteti student jasları arasında “Hayal-qızlardı basım hám zorlıqtan qorǵaw hám óz janına qas qılıwdıń aldın alıw” temasında 16 -kúnlik aksìya sheńberınde ashıq baylanıs formasındaǵı sáwbetlesiw keshesi òtkerildi.

Ilájda ÓzMTDP QR Keńesi baslıǵınıń Shańaraq hám hayal-qızlar máselelerí boyinsha orinbasari, Universitetìmizdıń Hayal-qızlar Keńesi baslıǵı I. Seytnazarova, ÓzMTDP QR Keńesi jetekshi qánigesi G. Djumagulova, Dene mádenyati fakulteti dekanı N. Kaipov, «Qızlarjan» klubı basshısı, fakultet Hayal qızlar keńesi baslıǵı R. Kalimbetova, universitet psixologı G. Reymbaeva, fakultetimiz tyutorları, student jasları qatnastı.

Mámleketimizde hayal-qızlardı basım hám zorlqtıń barlıq formalarınan qorǵaw, salasındaǵı mũnásibetlerdi tártipke salıw maqsetinde 2019-jıldıń 2- sentyabrinde Ózbekstan Respublikasınıń “Hayal-qızlardı basım hám zorlıqtan qorǵaw haqqında»ģı nızamı tastıyqlandı. Mámleket siyasatınıń tiykarǵı baģdarlari retinde gender siyasatı, mámleket programmaları hám de strategiyaların islep shıǵıw hám ámelge asırıw, basım hám zorlıqqa qarsılıqli ortalıqti jaratıw, jámiyette buǵan baylanıslı huqıqıy sana hám huqıqıy mádeniyattı kóteriw, nızamlıqtı bekkemlew, nátiyjelı shólkemlestirilgen-huqıqıy mexanizmlerdi jaratıw, sonıń menen birge, mámleket hám mámleketlik emes kommerciyalıq bolmaǵan shólkemler hám de puqaralıq jámiyetıniń basqa institutları sherikligin támiyinlew sıyaqlı zárúrli wazıypalar belgilendi.

Ashıq sáwbette bulardan tısqarı mámleketimizde adam sawdası, nızamǵa qarsı migratciya hám turmistaģi zorliq máselelerine tiyisli hayal-qızlardıń huqıqları hám nızamlı máplerin qorǵaw máseleleri hár tárepleme talqılandi.
Qızǵin tartıslarǵa bay ōtken ilaj sońında studentler tárepinen «Ata-analarımız benen de bul temalarda ushırasıw, sáwbetlesúwler ótkerseńiz»
dep usınıslar bildirildi.