Usı jıldıń 22-25- noyabr kúnleri Qaraqalpaq mámleketlik universiteti Germaniya aerokosmoslıq orayı hámde GIZ  «Ekologiyalıq baǵdarlanǵan Aralboyın regional rawajlandırıw» joybarı menen birgelikte «Aralıqtan zondlaw maǵlıwmatların analiz etiw ushın Google Earth Engine (GEE) baǵdarlamasına kirisiw» atamasındaǵı oqıw seminarı bolıp ótti. Oqıw seminarında  Germaniya aerokosmoslıq orayı qánigeleri Igorь Klyayn, Soner Uereyan, Julian Felten Ronja Lappe, GIZ joybarı  baslıǵı  Paul Shumaxer, menejer Raxat Ǵaniev hámde Geoinformatika ilimiy laboratoriyası baslıǵı Polat Reymov, Geoinformatika ilimiy orayı qánigelerinen Viktor Statov, Yaxshimurad Xudaybergenovlar oqıw kursların alıp bardı.

Oqıw seminarında Joqarı oqıw orınları professor-oqıtıwshıları, magistrantlar hám Qaraqalpaqstandaǵı tiyisli tarawlardan qánigeler qatnastı. Kurs juwmaǵında qatnasıwshılarǵa arnawlı sertifikatlar tapsırıldı.

Yaxshimurad Xudaybergenov,

QMU, Geodeziya, kartografiya hám tábiyiy resurslar kafedrası oqıtıwshısı, Geografiya ilimleri boyınsha filosofiya doktorı (PhD).