Usı jıldıń 30-noyabr kúni Rossiya Federaciyasiniń Nijniy Novgorod qalasında «ПРОФЕССИОНАЛЬНАЯ НАУКА» xalıqaralıq ilimiy jámiyetshilik shólkemi hám «Interclover.ru» joybarı baslaması menen hár jılı ótkeriletuǵın «JÍL STUDENTI» xalıqaralıq tańlawda 13 nominaciya boyınsha 200 ge jaqın ilimiy-dóretiwshilik hám jámiyetshilik iskerligi boyınsha jıl dawamında jetiskenliklerge erisken bakalavr studentleri, magistrantlar hám doktorantlar arasında bolıp ótti.

Usı tańlawda Elektr stanciyaları qánigeliginiń 2-kurs magistrantı Sarsenbaev Dauletbay «Jıldıń xalıqaralıq studenti», «Jas izertlewshi» hám «Jıl Lideri» nominaciyaları boyınsha belsene qatnasıp, tańlaw komissiya aǵzaları tárepinen jeńimpaz dep tabıldı hám oǵan shólkemlestiriwshiler tárepinen diplom, pul sıylıǵı, ilimiy basshısına hám universitet rektorına minnetdarshılıq xatları menen sıylıqlandı.

Tańlaw shártlerine kóre usı jıldıń 30-noyabr kúni ótkerilip, 10-dekabr kúni tańlaw nátiyjeleri járiyalanip, 15-dekabr kúni diplom hám minnetdarshılıq xatı elektron variantları berilip hám 2022-jıl 20-yanvarǵa diplom hám minnetdarshılıq xatı qaǵaz variantları beriliwi rejelestirilgen.

Búgingi kúnde Dauletbay Sarsenbaev óz ilimiy-izertlew jumısların ilimiy basshısı «Elektr energetikası» kafedrası baslıǵı, texnika ilimleri boyınsha filosofiya doktorı, docent Reymov Kamal Mambetkarimovich penen birgelikte alıp barmaqta. Olarǵa ilimiy-izertlew jumıslarında tasqın-tabıslar tileymiz.

Maǵlıwmat ushın Dauletbay Sarsenbaev 2021-jıl erisken jetiskenlikleri

1. «Úmit ushqını» kókrek belgisi iyesi.
2. «Sheksiz ilim» xalıqaralıq tańlaw jeńimpazı.
3. «Eń jaqsı student ǴMD – 2021» kókrek belgisi iyesi.
4. «Jıl studentı -2021» xalıq aralıq tańlaw jeńimpazı.
5. «Eń jaqsı jas ilimpaz ǴMD – 2021» kókrek belgisi iyesi.
6. «Jıl studentı -2021» xalıqaralıq tańlaw jeńimpazı.
7. «Dástúriy emes hám qayta tikleniwshi energiya derekleri» páni boyınsha xalıqaralıq onlayn pán olimpiadası jeńimpazı.
8. «Inglis tili» boyınsha xalıqaralıq onlayn pán olimpiadası jeńimpazı.
9. «Dástúriy emes hám qayta tikleniwshi energiya derekleri» páni boyınsha xalıqaralıq onlayn pán olimpiadası jeńimpazı.
10. «Inglis tili» boyınsha xalıqaralıq onlayn tańlaw jeńimpazı.
11.