2022-jıldıń 10-yanvar kúni Norvegiyaniń Oslo qalasında ilimiy-izertlew, dóretiwshilik hám jámiyetshilik iskerligi boyınsha jetiskenliklerge erisken bakalavr studentleri, magistrantlar hám doktorantlar arasında «EŃ JAQSÍ STUDENT»xalıqaralıq tańlawı bolıp ótken edi.

Bul konkursqa elektr stanciyaları qánigeliginiń 2-kurs magistrantı Sarsenbaev Dauletbay belsene qatnasıp, 2022-jıldıń 15-yanvar kúni konkurs komissiya aǵzaları tárepinen nátiyjeleri járiyalanıp, «Eń jaqsı student» xalıqaralıq konkursınıń laureatı dep tabıldı hám oǵan shólkemlestiriwshiler tárepinen altın medal, gúwalıq, I dárejeli laureat diplomları menen sıylıqlandı.

Sonday-aq, magistranttıń ilimiy basshısı «Elektr energetikası» kafedrası baslıǵı texnika ilimleri boyınsha filosofiya doktorı, docent Reymov Kamal Mambetkarimovichke minnetdarshılıq sıpatında diplom menen sıylıqlanǵan.