15-16- yanvar Xalıqaralıq suwda júziwshi quslardı sanaw kúni |

15-16- yanvar Xalıqaralıq suwda júziwshi quslardı sanaw kúni

15-16-yanvar kúnleri Xalıqaralıq suwda júziwshi quslardı sanaw kúni múnásibeti menen Nókis qalasında jaylasǵan Ashshıkól hám Qoskól kóllerine ekspediciya shólkemlestirildi. Ekspediciyaǵa Berdaq atındaǵı Qaraqalpaq mámleketlik universiteti Biologiya fakulteti dekanı, biologoya ilimleri doktorı Ya.Ametov, Otus studentler ornitologiyalıq klubı baslıǵı PhD I.Arepbaev, ÓZ.R.I.A.QQ bólimi kishi ilimiy xizmetkeri G.Matekova, professor oqıtıwshılar, doktorantlar, magistrantlar hámde student jaslar qatnastı.

Ekspediciya dáslep Ashshıkól kólinen baslandı. Ashshıkól kólinde alıp barılǵan ornitologiyalıq baqlaw nátiyjesine bola Ashshıkól kólinde 18 túrdegi 1074 qus dizimge alındı. Sonı ayrıqsha atap ótsek boladı, Ashshıkólde baqlaw waqtında Ózbekstan Respublikası Qızıl kitabına kirgizilgen Aqquw Cygnus olor qusınıń eki danası dizimge alındı.

Ekspediciyanıń dawamı Nókis qalasında jaylasqan Qoskól kólinde alıp barıldı. Qoskól kólinde alıp barılǵan ornitologiyalıq baqlaw nátiyjesine bola Qoskól kólinde 8 túrdegi 138 qus dizimge alındı.