Student qızlar menen mánzilli islesiw, olardıń jasaw jaǵdayların barıp úyreniw hám olardıń bos waqtın ele de mazmunlı shólkemlestiriw maqsetinde Qurılıs fakulteti hayal-qizlar máseleleri boyınsha dekan másláhátshisi R.Paxratdinova hám fakultet tyutorı M.Kaipovalar Qurılıs fakulteti injenerlik kommunikaciyalar qurılısı hám montajı bakalavr baǵdarı 1-kurs studenti Pirimbetova Feruzanıń úyinen barıp xabar aldı.

 Feruzanıń úyinde anası bizlerdi jıllı júzlilik penen kútip aldı hám anası Feruzanıń tiginshilikke kishkene waqtınan qızıǵatuǵınlıǵı, bos waqtında tiginshilik penen shuǵıllanatuǵınlıǵı, tiginshilikten daramad tawıp oqıw kontraktına da járdemi tiyip atırǵanlıǵı sonday-aq anası qızınıń usinday ónerli ekenligin quwanısh kóz jaslar menen aitıp berdi.

Ustazlar keleshekte Feruzanıń anasına qızınıń keleshekte óz kásibiniń mamanı bolıwdı sonıń menen birge tiginshilik kásibi arqali bir neshe shákirt tayarlawda talmas kush jiger, oqıwlarında tabıslar tilep ádebiy kitaplar hám oqıw quralların sawǵa retinde inam etti. Feruzanıń anası quanıshı sheksiz bolıp kelgen ustazlarǵa óz minnetdarshılıǵın bildirip ótti.

Qurılıs fakulteti hayal-qizlar máseleleri

       boyınsha dekan másláhátshisi                                R.Paxratdinova