Berdaq atındaǵı Qaraqalpaq mámleketlik universiteti Qaraózek rayonı hákimligi menen birgelikte usı jıldıń 11-fevral kúni «Jaslar hám biznes» atamasında taraw qánigeleri qatnasıwında biznes reje dúziw, kredit alıw hám ijaragʼa jer alıw arqalı diyxanshılıq penen shugıllanıw boyınsha seminar-trening shólkemlestirildi.
Ushırasıwda Berdaq atındaǵı Qaraqalpaq mámleketlik universiteti rektorı A.Reymov, universitet professor-oqıtıwshıları hám Qarаózek rayonı kásip-óner kolledji direktorı Sh.Bekniyazova hám «Qaraózek» PPJ aymaǵı jasları qatnastı.
Ushırasıwda universitet rektorı, professor Axmed Reymov «Jańa Ózbekstannıń 2022-2026-jıllarǵa baǵdarlanǵan rawajlanıw strategiyası»nıń jaslarga arnalǵan maqsetleri haqqında sóz etti.
Seminar-trening dawamında Qaraózek rayonı jaslarına hár tárepleme túsinik berildi. Аtap aytqanda, universitettiń Ekonomika fakulteti dekanıT. Jiemuratov, Tariyx fakulteti dekanı S.Sulaymanov, Ekonomika kafedrası docenti O.Nazarbaev- «Jaslarda isbilermenlik qábiletin qáliplestiriw», Ekonomika kafedrası docenti Z..Baltasheva -«Jaslardıń kishi biznes penen shugʼıllanıwdagʼı imkaniyatlar», Ekonomika kafedrası docenti E.Madenova -“Jańa Ózbekstannń 2022-2026- jıllargʼa bagʼdarlangʼan rawajlanıw strategiyası”nıń jaslargʼa arnalgʼan maqsetleri barısında seminar sabaqlarında túsinik jumısların alıp bardı.
Qaraqalpaq mámleketlik universiteti hám Jaslar agentligi rayonlıq bólimi, rayonlıq Máhálle hám shańaraqtı qollap-quwatlaw bólimi menen birge shólkemlestirilgen seminar-trening isbilermenlikke qızıǵıwshı jaslar ushın erteńgi kúnge isenimli qádem boldı.
