Nawrız bayramı pútkil respublikamız boylap, ulıwma xalıqlıq seyil tárizinde ótkerilip,  kewillerge ózgeshe payız hám kóterińkilik baǵıshladı.

Búgin, 20- mart kúni I.V.Savickiy atındaǵı mámleketlik kórkem-óner muzeyi imaratı aldındaǵı maydanda Nawrız seyili bolıp ótti.

Ulıwma xalıqlıq Nawrız bayramına Berdaq atındaǵı Qaraqalpaq mámleketlik universiteti jámááti universitet rektorı Axmed Reymovtıń basshılıǵında belsene qatnasıp, jaslarımız bayramǵa payız beretuǵın rán-báreń baǵdarlamaların kópshilik názerine inám etti.

Qaraqalpaqstan Respublikası Joqarǵı Keńesiniń Baslǵı M.Kamalov universitet jámááti tárepinen Nawrız bayramına baǵıshlanǵan ilajǵa qoyılǵan kórgizbeleri menen tanıstı.

Ulıwma xalıqlıq Nawrız bayramına hár bir fakultet jámááti óz kórgizbeleri hám ónerleri menen belsene qatnastı.

Àsirese, Kórkem-óner fakulteti professor oqıtıwshıları hám de student jasları ózleriniń qol miyneti úlgileri, kórgizbeleri hám de koncert baģdarlamaları menen belsene qatnasıp, bayramga ózgeshe zawıq berdi.

Mádeniy aǵartıwshılıq ilajda universitettiń talantlı student jaslarınıń atqarıwındaǵı qosıqlar seyilge kelgen bárshede ózgeshe tásir qaldırdı.

QMU Baspasóz xızmeti

Nawrız seyili kórgizbelerinen kórinisler