Búgin qızlarımızdıń salamatlıǵına itibar bersek, keleshekte salamat anadan salamat bala dúnyaǵa keledi.
Sonlıqtan da Qaraqalpaq mámleketlik universitetinde Hayal-qızlar keńesi tárepinen hayal-qızlarımızdıń salamatlıǵın bekkemlew, qızlarda reproduktiv salamatlıqtı jetilistiriw baǵdarında úgit-násiyatlaw ilajları is-rejege sáykes shólkemlestirilip kelmekte. Usınday ilajlardıń biri usı jıldıń 25-mart kúni Biologiya fakulteti hayal-qızlar keńesi tárepinen shólkemlestirildi.
Ushırasıwda Jas óspirimler dispanseri ginekolog shıpakeri Erpolatova Arzayim hám Qaraqalpaqstan Respublikası AIJSke qarsı gúresiw orayı qánegesi Klicheva Valiya fakultet tyutorılar qatnastı.Bunda olar qızlarımızǵa erte turmıs qurıwdıń aqıbetleri, reproduktiv salamatlıqqa itibar beriwi hám AIJS kesellikleri haqqında keńnen túsinik berip ótti. Bul ushırasıwdı shólkemlestiriwden tiykarǵı maqset qızlarımızda salamat turmıs tárizin qáliplestiriw, ózleriniń salamatlıǵına itibar berıwi kerekligi, densawlıǵına biypárwa bolmawı kerekligi túsindirildi.
Qızlar ózleriniń pikirlerin bildirdi, sorawlar berdi.
Ushırasıw dawamında óz-ara sáwbetler qızıqlı hám mazmunlı bolıp ótti.
Biologiya fakulteti hayal-qızlar máseleleri
boyınsha dekan másláhátshisi: Perdebaeva Gauxar
