Bayram seyilinde Qaraqalpaq mámleketlik universiteti fakultetleri arasında hár qıylı atamadaǵı nominaciyalar boyınsha tańlawlar shólkemlestirildi.

              «Milliy taǵamlar kórki menen bezelgen fakultet», «Eң jaqsı milliy kiyimler menen qatnasqan fakultet», «Eń jaqsı kórgizbeli plakatlar menen bezelgen fakultet», «Eń jaqsı súwretlew óneri shıǵarması» Shıraylı gúller menen bezetilgen eń jaqsı sebet», «Milliy naǵıslar sáwlelengen kiyimler menen qatnasqan student» er jigitler ushın, «Milliy naǵıslar sáwlelengen kiyimler menen qatnasqan student» hayal-qыzlar ushın, «Milliy naǵıslar sáwlelengen kiyimler menen qatnasqan oqıtıwshı», «Milliy oyınlardı janlandırıwshı sheber fakultet», «Eń jaqsı bezelgen qara úy», «Milliylikti úgit-násiyatlawshı úrip-ádetler menen eń jaqsı qatnasqan fakultet», «Milliy ónermentshilikti jaqsı jolǵa qoyǵan fakultet» nominaciyaları boyınsha jeńimpazlar Qaraqalpaq mámleketlik universiteti rektoratı tárepinen bahalı sawǵalar menen sıylıqlandı.   

 Seyildegi súmelek

        Qaraqalpaq mámleketlik universitetinde bolıp ótken bayram seyilinde qaynaǵan súmelek qazanı átirapında qanshadan-qansha jaqsı tilekler aytıldı. Neshe mıń adam usı sumelekten dám tatıp, tileklesligin bildirdi. 

           Nawrızdıń milliy taǵamı qaynap pisken súmelekti neshe-neshe bilekler bılǵap, bul ullı dárgaydıń payızı menen bereketin tiledi. Bul da Nawrizdıń nıshanı.

               Hámme jaqsı tilekler qabıl bolıwın tilep «HÁR KÚNIŃIZ NAWRÍZ BOLSÍN» deymiz.

QMU Baspasóz xızmeti