Қарақалпақ мәмлекетлик университети Ҳаял-қызлар кеңеси тәрепинен студент қызлардың тәлим-тәрбиясы менен шуғылланыў, әсиресе олардың оқыўдан бос ўақытларын мазмунлы шөлкемлестиў, студент қызларды Кеңес жанындағы клуб ҳәм дөгереклерге қамтып алыў соның менен бирге, олардың сиясий, ҳуқықый билимлерин арттырыў бағдарында да бир қанша нәтийжели жумыслар алып барылмақта.
     Усы мазмунда студентлер турар жайында Математика факультети студент қызлары менен сәўбетлесиў болып өтти.

    Сәўбетлесиў Математика факультети ҳаял-қызлар мәселелери бойынша декан мәсләҳәтшиси Шийрин Ережепова ҳәм Математикалық анализ кафедрасы доценти Гүлбәҳәр Изетаева тәрепинен шөлкемлестирилди. Бул сәўбетлесиўде тийкарынан студент қызларға Өзбекстан Республикасы Президентиниң 2022 -жыл 7-март күнги «Шаңарақ ҳәм ҳаял-қызларды қоллап-қуўатлаўға байланыслы жумысларды жәнеде жеделлестириў ис-илажлары ҳаққында»ғы ПФ-87 санлы Пәрманының мазмунын-әҳмийети ҳаққында тусиник берилип, үгит-нәсият жумыслары алып барылды. Сондай-ақ университет ишки тәртип-қағыйдалары , тәртип–интизам, кийиниў мәденияты, өз-ара сөйлесиў ҳәм қарым-қатнас мәденияты ҳаққында да сөз етилди. Сәўбетлесиў даўамында қызларымызға жат ҳәм зыянлы иллетлерден сақ ҳәм аўлақ болыўда кең мәсләҳәтлер берилди.

Шийрин Ережепова 
Математика факультети Ҳаял-қызлар мәселелери бойынша декан мәсләҳәтшиси.