Өзбекстан Республикасы «Заманагөй журналистиканы раўажландырыў орайы» тәрепинен 5-6-апрель күнлери Ташкент қаласында журналист ҳәм блогерлер ушын семинар-тренинг шөлкемлестирди. Семинар «Сапалы журналистиканы раўажландырыўда хуқықый ҳәм медиа хабар саўатлылығы тенденциялары» атамасында болып өтти. Бул семинарға республикамыз аймағында жумыс алып барып атырған жәми 14 журналист ҳәм блогер қатнасты.
Семинарды медиа юрист Мадина Турсунова ҳәм медиа тренер Дилфуза Мирзаахмедовалар алып барды.
Тренинг даўамында журалист ҳәм блогерлерге ҳуқықый журналистика, тренер болыў ҳәм оның абзаллықлары, медиа саўатлылық, семинарды қалай шөлкемлестириў киби мағлыўматлар бойынша тусиниклер берилди. Еки кун даўам еткен семинар жуўмағында қатнасыўшыларға арнаўлы сертификатлар берилди.
Шахноза Пердебаева
ҚМУ Магистратура бөлими
«Телевидение ҳәм радиоеситтириў» қәнигелиги 1-курс магистранты.
