Usı jıldıń 26-aprel kúni Shımbay rayonındaǵı 45-sanlı ulıwma orta bilim beriw mektebinde Berdaq atındaǵı Qaraqalpaq mámleketlik universiteti professor- oqıtıwshıları tárepinen Cambridge tájriybesi tiykarında oqıtıwshılardıń pedagogikalıq sheberligin jetilistiriw maqsetinde seminar-trening hám hár qıylı ilajlar ótkerildi.

  Ilajǵa A.Reymov basshılıǵında universitettiń professor-oqıtıwshıları hám mektep muǵallimleri qatnastı.

          Ilaj dawamında mektepte tálim sapası tómen bolǵan pán muǵallimleri ushın tálim sɪpatɪn joqarlatıw, oqıtıwshınıń kásiplik sheberligi arttɪrɪw temasında fizika, matematika, biologiya hám ingliz tili pánleri boyınsha ámeliy usɪldaġɪ mobillik sabaqlar alɪp barɪldɪ.

         Sonıń menen bir qatarda, universitettiń tájriybeli professor-oqıtıwshıları tárepinen mektep oqıwshılarɪna tarqatpa hám metodikalɪq qollanbalar tarqatılıp ashıq sabaqlar ótkerildi.

          Tájiriybeli oqıtıwshılar tárepinen sporttıń shaxmat-shashka, voleybol, futbol túrleri boyınsha er-balalar hám qızlar arasında jarıslar shólkemlestirildi.

          Sonday-aq, universitettiň “Kitapqumarlar” klubına aǵza jaslar tarepinen kitap oqıwǵa qızıǵatuǵın oqıwshı jaslarǵa Qaraqalpaqstan hám Ózbekstan jazıwshı-shayırlarınıń shıǵarmalar kórgizbesi hám mekteptin 9-11-klass oqıwshılarına universitettin “Zakovat” klubına aǵza student-jaslar tárepinen jarıs shólkemlestirilip, jarıs qatnasıwshılarɪ óz bilimlerin sınaqtan ótkerdi.

          Kún dawamında ótkerilgen ilajlarda belsene qatnasıp, jeńimpaz bolǵan oqıwshılar universitet rektorı tárepinen diplom hám bahalı sawǵalar menen sıylıqlandı.