Berdaq atındaǵı Qaraqalpaq mámleketlik universiteti Yuridika fakulteti professor-oqıtıwshıları hám ziyrek student-jasları Qońırat rayonı XBBne qaraslı 35 hám 37-sanlı ulıwma orta bilim beriw mekteplerinde bolıp, ol jerde mekteptiń pitkeriwshileri hám joqarı klass oqıwshıları menen ushırastı. Ushırasıwdı ótkeriwden tiykarǵı maqset Ózbekstan Respublikası Prezidenti Sh.Mirziyoyev tárepinen 2022-jıl 5-aprel kúni xalıq bilimlendiriw tarawında ámelge asırılıp atırılǵan reformalardıń nátiyjeliligin arttırıw boyınsha videoselektor májilisinde berilgen tapsırmalardıń orınlanıwı, sonday-aq mektep muǵálimlerin jańa metodika tiykarında qayta tayarlaw bolıp esaplanadı.
Ushırasıwda Yuridika fakulteti dekan orınbasarı Yu.Abdreymov shıǵıp soylep, Húrmetli Prezidentimiz tárepinen bilimlendiriw tarawında alıp barılıp atırılǵan jumıslarǵa keń toqtalıp ótip hám mámleketimizde jańa ózgerisler haqqında tolıq maǵlıwmatlar berdi. Pitkeriwshi jaslardı joqarı oqıw orınlarında bilim alıwǵa shaqırdı. Pitkeriwshi jaslarǵa ózleriniń másláhát hám keńesleri menen «Jınayıy-huqıqıy hám puqaralıq-huqıqıy pánler» kafedrası baslıǵı, yu.i.k., docent M.Najimov hám mámleketlik stipendiant I.Rametullaev, «Úmit ushqını» kókirek nıshanı iyesi A.Sadullaev, shaxmat boyınsha Ózbekstan chempionı A.Auezimbetov shıǵıp soyledi. Oqıwshı jaslar tek ǵana ustazlar menen ushrasıp qoymastan, fakultettiń «Zakovat» klubı aǵzaları menen birgelikte bilimlerin sınaqtan ótkerdi hám onnan soń shaxmat boyınsha universitet chempionı mekteptiń oqıwshı jaslarına master klass kórsetti. Bul ushırasıw mektep oqıwshılarında úlken qızıǵıwshılıq payda etip hám hár biriniń kewlinde student bolıw úmitin oyattı.
Yu. Abdreymov yuridika fakul’teti jaslar
máseleleri hám ruwhıy-aǵartıwshılıq
isleri boyınsha dekan orınbasarı
