Berdaq atındaǵı Qaraqalpaq mámleketlik universitetiniń, Matematika fakulteti, Algoritmlestiriw hám programmalastırıw texnologiyaları kafedrasınıń professor-oqıtıwshıları Shomanay rayonı XBBne qaraslı 17 hám 21-sanlı ulıwma orta bilim beriw mektep oqıwshılar menen ushırasıw ótkerildi. Mektep pitkeriwshileri ushın IT tarawlarında bilim hám kónlikpelerin rawajlandırıw maqsetinde master klasslar ótkerildi, sonıń menen bir qatarda mámleketimizde jaslarǵa jaratılıp atırılǵan imkaniyatlar haqqında aytıp ótti.

Sonday-aq, Qaraqalpaq mámleketlik universitetiniń jetiskenlikleri student-jaslarǵa jaratılǵan imkaniyatları haqqında oqıwshılarǵa maǵlıwmatlar berildi. QMU ámeliy matematika qánigeligi 1-kurs magistrant bir neshe IT tańlawlar jeńimpazi Qudaynazarov Muxammed hám kompyuter ilimleri qánigeligi 2-kurs studenti Qoǵambaev Asadbekler mektep oqıwshılarına óz tájiriybeleri menen bólisti. Ushırasıw oqıwshılarda tereń tásir qaldırıp, oqıwshılar ózlerin qızıqtırǵan sorawlarına juwaplar aldı.

1-kurs Ámeliy matematika qaniygeligi magistrantı

Turģanbaev Aziz