Berdaq atındaǵı Qaraqalpaq mámleketlik universiteti Matematika fakulteti “Differenciallıq teńlemeler” kafedrası stajyor-oqıtıwshısı  Islam Saliev Nókis qalasi XBBne qaraslı 29-sanlı ulıwma orta bilim beriw mektebinde bolıp, ol jerde mekteptiń pitkeriwshileri hám joqarı klass oqıwshıları menen ushırastı. Ushırasıwdı ótkeriwden tiykarǵı maqset Ózbekstan Respublikası Prezidenti Sh.Mirziyoyev tárepinen 2022-jıl 5-aprel kúni xalıq bilimlendiriw tarawında ámelge asırılıp atırılǵan reformalardıń nátiyjeliligin arttırıw boyınsha videoselektor májilisinde berilgen tapsırmalardıń orınlanıwın támiyinlew, sonday-aq mektep muǵállimlerin jańa metodika tiykarında qayta tayarlaw bolıp esaplanadı.

Ushırasıwda “Differenciallıq teńlemeler” kafedrası stajyor-oqıtıwshısı  Islam Saliev, bilimlendiriw tarawındaǵı jańalıqlar, mámleketimizde jaratılǵan shárayatlar, sonday-aq universitette, Matematika fakultetinde alıp barılıp atırılǵan jumıslar, student jaslardıń jetiskenlikleri haqqında aytıp ótti. Mektep pitkeriwshileri ushın matematika tarawında bilim hám kónlikpelerin rawajlandırıw maqsetinde Islam Saliev hám  matematika páni oqitiwshisi Turdibaeva Nargiza Muratovna master klasslar ótkerdi. Sonday-aq, Qaraqalpaq mámleketlik universitetiniń student-jaslarǵa jaratılǵan shárayatlar haqqında oqıwshılarǵa maǵlıwmatlar berilip, sonıń menen bir qatarda mámleketimizde jaslarǵa, hayal-qızlarǵa jaratılıp atırılǵan imkaniyatlar, haqqında stajyor-oqıtıwshı  Islam Saliev aytıp ótti. Ushırasıw oqıwshılarda tereń tásir qaldırıp, oqıwshılar ózleriniń qızıqtırǵan sorawlarına juwaplar aldı. 

2-kurs matematika qanıygeligi magistrantı 
Turdibaeva Nargiza