Berdaq atındaǵı Qaraqalpaq mámleketlik universiteti Matematika fakulteti “Matematikalıq analiz” kafedrası professor-oqıtıwshıları Shomanay rayonı XBB ne qaraslı 12-20-sanlı ulıwma orta bilim beriw mekteplerinde bolıp, ol jerde mekteptiń matematika páni muǵallimleri hám pitkeriwshi klass oqıwshıları menen ushırastı. Ushırasıwdı ótkeriwden tiykarǵı maqset Ózbekstan Respublikası Prezidenti Sh.Mirziyoyev tárepinen 2022-jıl 5-áprel kúni xalıq bilimlendiriw tarawında ámelge asırılıp atırılǵan reformalardıń nátiyjeliligin arttırıw boyınsha videoselektor májilisinde berilgen tapsırmalardıń orınlanıwın táminlew, sonday-aq mektep muǵallimlerin jańa metodika tiykarında qayta tayarlaw bolıp esaplanadı. 

Ushırasıwda “Matematikalıq analiz ” kafedrası baslıǵı docent B.Kurbanov sózge shıǵıp, bilimlendiriw tarawındaǵı jańalıqlar, mámleketimizde bilim alıw ushın jaratılǵan shárayatlar, sonday-aq, universitetimizde hám matematika fakultetinde alıp barılıp atırǵan jumıslar, student jaslardıń jetiskenlikleri haqqında aytıp ótti. Mekteptiń matematika páni muǵallimleri ushın “Oqıwshılardıń geometriyalıq pikirlewin kúsheytiwde sızba geometriya elementlerin qollanıw”  temasında kafedramızdıń aǵa oqıtıwshısı S.Abdikadirov hám stajyor oqıtıwshısı T.Omarovlar master klass sabaqların òtti. Sabaq dawamında mekteptiń matematika muǵállimleri hám belsendi oqıwshılarına kafedra tárepinen tayarlanıp kelingen matematikalıq kitaplar sawǵa etildi.