Búgın 25 may kúnı Berdaq atındaǵı Qaraqalpaq mámleketlik universiteti Shet tiller fakulteti Inglis tili hám ádebiyati kafedrası tárepinen shólkemlestirilgen “XXI ásirde tálim hám texnologiya innovaciyaları paradigmasındaǵı Renessans” atamasındaǵı Xalıq aralıq ilimiy-ámeliy konferenciya óz jumısın basladı.

Dáslep Shet tiller fakulteti dekanı Djavod Qurbanbaev sózge shıǵıp, konferenciya qatnasıwshıların, JOO professor oqıtıwshıların, shet ellerden kelgen miymanlarımızdı hám konferenciya bayanatshıların búgingi xalıq aralıq ilimiy-ámeliy konferenciya menen qutlıqlap, hám rejelestirilgen baǵdarlar boyınsha sekciya jumısları haqqında maǵlıwmatlar berip óttı. Yaǵnıy konferenciyada, Til hám ádebiyat, Pedagogika hám oqıtıw metodikası, Gumanitar pánler hám Anıq hám tábiyiy pánler sekciyaları boyınsha ilimiy maqalar bayanatları jámlengen. 

Sonday-aq, konferenciyamızǵa shet ellerden de mıymanlarımız qatnaspaqta: Ózbekstan Inglis tili oqıtıwshılar awqamı aǵzası Mahmudova Jamilya; Irina Y. Barclay, Filologiya ilimleri kandidati, Appalachin mámleketlik universiteti Professorı, AQSH; Feruz Akbarov, Ózbekstan Inglis tili oqıtıwshılar awqamı tiykarshısı, Xalıq aralıq ESL/EFL instruktorı, Samarqand; Ugiloy Kusanova,  Tashkent mámleketlik pedagogıkalıq universiteti docent, Filologiya ilimleri kandidati, Tashkent hám Dr. Lubna Ali, Linkoln Universiteti aǵzası, Malaziya.

Házirgi waqtta konferenciya óz jumısın dawam etıp atır.