Berdaq atındaǵı Qaraqalpaq mámleketlik universiteti Ekonomika fakulteti professor-oqıtıwshıları hám ziyrek student-jasları Shımbay rayonı XBBne qaraslı 33-sanlı ulıwma orta bilim beriw mektebinde bolıp, ol jerde mekteptiń pitkeriwshileri hám joqarı klass oqıwshıları menen ushırastı. Ushırasıwdı ótkeriwden tiykarǵı maqset Ózbekstan Respublikası Prezidenti Sh.Mirziyoyev tárepinen 2022-jıl 5-aprel kúni xalıq bilimlendiriw tarawında ámelge asırılıp atırılǵan reformalardıń nátiyjeliligin arttırıw boyınsha videoselektor májilisinde berilgen tapsırmalarınıń orınlanıwın támiyinlew, sonday-aq mektep muǵállimlerin jańa metodika tiykarında qayta tayarlaw bolıp esaplanadı.
Ushırasıwda Shımbay rayonlıq XBB ne qaraslı 36-sanlı mektep pitkeriwshileri hám Bolıs awılında jaylasqan 33-sanlı mektep pitkeriwshilerin kásip-ónerge baǵdarlawda isbilermenlik hám ónermentshilik baǵdarlarında bilim kónlikpelerin rawajlandırıw boyınsha master klass ótkerildi. Bunnan soń, Ekonimika fakulteti docentleri T.Nurimbetov, G.Turdieva, G,Utegenova sózge shıǵıp, Prezidentimiz tárepinen bilimlendiriw tarawında, qalaberse jámiyetimizde hám ekonimikalıq turmısımızda alıp barılıp atırılǵan jumıslarǵa keń toqtalıp, bilimlendiriw tarawındaǵı jańa ózgerisler haqqında tolıq maǵlıwmatlar berdi. Pitkeriwshi jaslardı joqarı oqıw orınlarında bilim alıwǵa shaqırdı.
Sonday-aq jaslarǵa ózleriniń másláhát hám keńesleri menen «Buxgalteriyalıq esap hám audit» kafedrası docentleri PhD T.Nurimbetov , G.Turdieva, G.Utegenovalar Shımbay rayonlıq XBB ne qaraslı 36-sanlı mektep pitkeriwshileri hám Bolıs awılında jaylasqan 33-sanlı mektep pitkeriwshilerine Qaraqalpaq mámleketlik universiteti hám Ekonomika fakultetiniń materiallıq-texnikalıq bazası, ilimiy potencialı hám iskerligi haqqında keń túrde maǵlıwmat berdi. Ushırasıwda fakultettiń «Zamanagóy buxgalteriya esabı» dógeregi aǵzaları mekteptiń oqıwshı jaslarına master klass ótkerdi. Bul ushırasıw mektep oqıwshılarında úlken qızıǵıwshılıq payda etip hám hár biriniń kewlinde student bolıw úmitin oyattı.
