Usı jıldıń 24-máy sánesinde Ximiya-texnologiya fakultetiniń professor-oqıtıwshıları Shımbay rayonı XBBne qaraslı 41-42-43-44-sanlı ulıwma orta bilim beriw mekteplerinde bolıp, mekteptiń pitkeriwshi klass oqıwshıları menen ushrasıw shólkemlestirildi. Ushırasıwdı ótkeriwdegi maqset Ózbekstan Respublikası Prezidentiniń 2020-jıl 6-noyabrdegi “Ózbekstannıń jańa rawajlanıw dáwirinde tálim-tárbiya hám ilim tarawların rawajlandırıwdıń is-ilajları haqqında”ǵı PF-6108-sanlı pámanınıń orınlanıwın támiyinlew bolıp esaplanadı.
Sonday-aq JOO kafedraları xalıq bilimlendiriwine qaraslı mekteplerge barıp oqıwshılar menen olardı kásipke baǵdarlaw, pánlerge tiyisli olimpiada máselelerin sheshiw jolların úyretiw, mámleketlik stipendiant studentler menen ushırasıwlar ótkeriw hám qábiletli studentler tárepinen “Bilim Ring”, “Zakovat” oyınların shólkemlestiriw sıyaqlı bir-qatar ilajlardı ámelge asırıp kelmekte. Ushırasıwda fakultettiń professor-oqıtıwshılarınan B.Madenov, G.Qaipbergenova, G.Qurbanbaeva, A.Sadikova hám M.Jabbarbergenovlar qatnasıp, mekteplerdegi bilim alıp atırǵan oqıwshılar menen jaqınnan sáwbetlesip, olardıń keleshekte qanday kásipti iyelewi, sonday-aq ximiya tarawındaǵı jańalıqlar haqqında aytıp ótti. Ushırasıw dawamında ximiya hám texnologiya tarawlarınıń, mámleketimiz rawajlanıwında tutqan ornı, Respublikamız aymaǵında iskerlik alıp barıp atırǵan zavodlar hám olardıń islew processi haqqında keńnen túsinik berildi. Oqıwshılar ózleriniń qızıqtırǵan sorawlarına juwaplar aldı.
Barno Jalgasbaeva
Ximiya-texnologiya fakulteti, 2-kurs studenti
