Qızlarımızdıń tárbiyasına erte zamanlardan berli biyparıq qaralmaǵanı sıyaqlı, házirgi waqıtta hayal-qızlardıń jámiyettegi ornın múnásip belgilewde Prezidentimiz
Sh. Mirziyoevtiń itibarı ayırıqsha bolmaqta. Usı maqsette ijarada jasawshı 1-kurs student qızlarınıń jasaw shárayatın úyreniw ushın olar menen mánzilli ushırasıw shólkemlestirildi. Student qızlarımızdıń tek jasaw shárayatın úyrenip qoymastan olardı túrli jat illetlerden, jaman aǵımlardan qorǵaw, olardı zorlıq hám basımnan asıraw maqsetinde huqıqıy bilimin jetilistiriw baǵdarında alıp barılıp atırılǵan jumıslar menen tanıstırılıp, túsinikler berildi.

Qızlarımızdıń bos waqıtların mazmunlı ótkeriw ushın universitet hayal-qızlar keńesi tárepinen shólkemlestirilgen dógereklerdiń is-ilajları menen, sonıń menen bir qatarda qızlarımız keleshekte ózine múnásip jumıs ornına iye bolıwı ushın kásiplik sawatlılıǵı menen teńdey til úyreniwi kerekligi haqqında da aytılıp ótildi. Sonday-aq qızlarımızǵa universitettiń ishki tártip qaǵıydaları, sóylew mádeniyatı, kiyiniw mádeniyatı haqqında óz-ara pikirlesiw bolıp ótti.

Matematika fakulteti hayal-qızlar máseleleri boyınsha dekan másláhátshisi Sh.Erejepova.

Matematika fakulteti 1-kurs tyutorı A. Reyimbaeva.