Usı jıldıń 9-10-iyun kúnleri Evro-Aziya yuridik kongressine doslıq awqamı mámlekektlerinen jeti jetekshi yuridik univeristet basshıları qatnastı. Bunda Berdaq atındaǵı Qaraqalpaq mámleketlik universiteti atınan oqıw metodikalıq basqarması baslıǵı, yuridika ilimleriniń kandidatı, docent B.Daumenov hám universitetimiz studenti O.Aripovlar qatnastı.

Evro-Aziya yuridikalıq kongressi Evro-Aziya aymaǵında yuristler, professional hám jámiyetshilik baylanıs izertlew iskerligi ushın turaqlı platforma esaplanadı. 2007-jıldan berli V.F.Yakovlev atındaǵı Ural mámleketlik yuridik universiteti Ekaterinburgdaǵı Rossiya yuristleri awqamı menen birgelikte hár jılı kongress sessiyaların ótkerip kelmekte. Kongressde «EAEA», «ShQSH»ne aǵza mámleketlerden professional yuristler – ilimpazlar hám ámeliyatshılar, sonıń menen birge, siyasatshılar, mámleket hákimiyatı hám basqarıwı shólkemlerinen biznes wákilleri qatnastı. Kongress sessiyalarında usı xalıq aralıq shólkemler iskerligi natiyjeliligin jetilistiriwge, Evro-Aziya aymaǵında ekonomikalıq integraciyanı huqıqıy támiyinlew máselelerine kómeklesiwge qaratılǵan joybarlar islep shıqpaqta.

Evro-Aziya yuridik kongressiniń tiykarǵı maqseti yuridik jámiyet, mámleket hákimiyatı shólkemleri hám biznes wákilleri ushın aktual bolǵan máselelerdi erkin pikir almaslawdı támiyinlew, sonday-aq sanaat, ekonomika, tálim, pán hám mádeniyat salasındaǵı birge islesiwdi jolǵa qoyıwdan ibarat.

Evro-Aziya yuridik kongresside Berdaq atındaǵı Qaraqalpaq mámleketlik universiteti Ural mámleketlik yuridik universiteti menen konsorsium shenberinde o‘z-ara xalıqaralıq birge islesiw memorandumına qol qoyıldı.