Usı jıldıń 15- iyun kúni Matematika fakultetinde «Biz náshebentlikke qarsımız» atamasında student-jaslar arasında profilaktikalıq úgit-násiyatlaw ilajı ótkerildi. Ilajda jaslar menen islesiw, ruwxıylıq hám aǵartıwshılıq isleri boyınsha bólim baslıǵı Q.Beknazarov, Respublika qánigelestirilgen narkologiya ilimiy ameliy medicina orayı Qaraqalpaqstan aymaqlıq filialı narkolog shıpakeri N.Dawletmuratova, Jaslar menen islesiw boyınsha dekan orınbasarı M.Tańırbergenov, Hayal qızlar menen islesiw boyınsha dekan másláhátshisi SH.Erejepova, fakultet tyutorları hám student-jaslar qatnastı.

Ilajdı jaslar menen islesiw boyınsha dekan orınbasarı M.Tańırbergenov ashtı hám alıp bardı. Bunnan soń, Q.Beknazarov ilajdıń tiykarǵı maqseti jaslar arasında narkotik zatlardıń tarqalıwına qarsı gúresiw hám aldın alıw, bul jaman illet boyınsha úgit-násiyat jumısların alıp barıw sonıń menen birge jaslarımızdı zárúr maǵlıwmatlar menen tanıstırıp barıw búgingi kúnniń áhmiyetli wazıypası ekenligin atap ótti. Sonday-aq, ilajda taraw qánigeleri tárepinen jaslar arasında narkotik zatlarıdıń tarqalıwına qarsı gúresiw, jaslardıń náshebentlikke berilmewi, narkotik zatlarınıń zıyanlı, ayanıshlı hám awır aqıbetleri bunday illetke qarsı bárshe jaslar birgelikte gúresiwleri lazım ekenligi, bul jaman illettiń aldın alıw maqsetinde Respublika jasları salamatlıǵın kúsheytiw, bárkamal awlat etip tárbiyalawǵa qaratılǵan ilajlar hám hár túrli sport túrlerinen jarıslar ótkeriliwin, jaslardıń sport sekciyalarına bekitiliwin, olardıń bos waqıtların mazmunlı ótkeriliwi haqqında ayrıqsha atap ótildi. Studentler ózleriniń qızıqtırǵan sorawlarına tiyisli juwaplar aldı.