Usı jıldıń 17-iyun kúni Qaraqalpaq mámleketlik universiteti Biologiya fakultetinde Ózbekstan Respublikası Ekologiya hám qorshaǵan ortalıqtı qorǵaw komiteti baslıǵı N.Ablamuradov, Oliy majlis Senatı aǵzası B.Matmuratov, Oliy majlis deputatı L.Seytova, Qaraqalpaqstan Respublikası Ekologiya hám qorshaǵan ortalıqtı qorǵaw komiteti baslıǵı A.Saparov, Ózbekstan Ekologiyalıq partiyası Qaraqalpaqstan Respublikası partiya shólkemi Keńesi baslıǵı A.Begimova hám juwapker qánigeler menen ushırasıw bolıp ótti.
Ushırasıwda ekologiya baǵdarında búgingi kúnde alıp barılıp atırılǵan jumıslar, jańa innovaciyalıq joybarlar, qalaberse konstitutciyamızǵa kirgiziliwi kútilip atırılǵan ózgeris hám qosımshalardıń qatarında ekologiyalıq nızamshıqlardıń orın alıwı, tábiyattı qorǵaw baǵadarındaǵı is-ilájlarǵa nızam sheńberinde jantasıw, jasıl mákán ulıwma milliy joybarınıń barısı, nátiyjeleri, jańadan ratifikaciya etilgen xalıq aralıq konvenciyalar haqqında aytıp ótildi. Ushırasıw dawamında qatnasıwshılar ózlerin qızıqtırǵan sorawlarına juwaplar aldı. Ushırasıwdan soń N.Ablamuradov Biologiya fakultetinde shólkemlestirilgen Bioekologiya ilim izzertlew laboratoriyasında bolıp, ol jerde jaratılǵan shárayatlar menen tanıstı hám keleshekte Ekologiya hám qorshaǵan ortalıqtı qorǵaw komiteti menen birgelikte ilim izzertlew jumısların alıp barıw boyınsha usınıslar bildirdi.
Aygerim Naǵashıbayeva
Biologiya fakulteti “Ekologiya hám topıraqtanıw” kafedrası assistenti
