Elimizde jas áwladtıń fizikalıq hám ruwxıy jaqtan salamat bolıp ósiwi, sonıń menen birge olardıń bos waqıtların mazmunlı shólkemlestiriw hám jaslardı ǵalabalıq sportqa keńnen qamtıw boyınsha bir qatar reformalar ámelge asırılmaqta. Usı jıl 16-19-iyun kúnleri Tashkent qalasında sporttıń «Jeńil atletika» túri boyınsha U-23 jasqa shekemgi hám eresek jastaǵılar arasında ótkerilgen Ózbekstan chempionatına Qaraqalpaq mámleketlik universiteti Dene mádeniyatı fakultetiniń studentleri qatnastı hám joqarı nátiyjelerdi qolǵa kirgizdi.

Atap aytqanda Dene mádeniyatı fakulteti 2-kurs studentleri Diyarbek Shamuratov 1500 metr aralıqtı 4:02,55 sekund waqıt ishinde basıp ótip 3-orındı iyelegen bolsa, Asadbek Davletov hám de Atabek Uzaqbaevlar estafetada 4×100 metrge juwırıp sıylı 3-orın jeńimpazı boldı. Sportshılarımızdı qolǵa kiritken jeńisleri menen qutlıqlaymız hám aldaǵı ótkeriletuǵın jarıslarda tabıslar tileymiz. Sportshılardı dene mádeniyatı teoriyası hám metodikası assistenti Barlıqbay Djumanov tayarladı.

R.Óteniyazov

Dene mádeniyatı fakultetiniń jaslar menen islesiw boyınsha dekan orınbasarı