Qızlar tárbiyası oǵada áhmiyetli másele, ásirese tálim alıp atırǵan student qızlardıń bos waqıtların mazmunlı shólkemlestiriw, olardı kásipke baǵdarlaw sonday-aq qızlar arasında jınayatshılıq-huqubuzarlıqtıń aldın alıw, zorlıq yamasa basımnan qorǵaw maqsetinde, student-qızlar menen elede jaqınnan islesiw, olardın barlıq mashqalaların itibarsız qaldırmaw ushın hár bir fakultette Lider qızlar toparı qáliplestirildi.

Lider qızlar toparı hár bir topardan tálim alıwshı, oqıwda hám jamiyetlik jumıslarda belsendilik kórsetip júrgen qızlar esaplanadı. Dene mádeniyatı fakultetinde Hayal qızlar máseleleri boyınsha dekan másláhátshisi G.Oskinbaeva hám tyutor G.Kanyazova oqıw jılının juwmagı boyınsha sonday-aq, qızlar tárbiyası máselesinde ata-analar menen jıynalıs shólkemlestirildi. Jıynalısta tiykarınan qızlarımızdıń oqıwǵa úlgeriwi imtixan nátiyjeleri boyınsha Oqıw isleri boyınsha dekan orınbasarı A.Nurjanov maǵlıwmat berip ótti. Sonday-aq, kiyiniw mádeniyatı hám qızlardıń tárbiyası boyınsha hayal qızlar máseleleri boyınsha dekan másláhátshisi G.Oskinbaeva túsinik berdi.

Jıynalısta jıl dawamında óziniń ayrıqsha oqıwı hám jámiyetlik jumıslarda belsendilik kórsetip júrgen lider qızlardın ata-analarına Dene mádeniyatı fakulteti dekanı N.Qayipov tárepinen “Alǵısnama” berildi. Jıynalıs juwmaǵında ata-analar tárepinen usınıs hám pikirler tıńlanıp, olar tárepinen fakultetimiz jámáátine minnetdarshılıq bildirdi.

G.Kanyazova

Dene mádeniyatı fakulteti tyutorı