2022-jıl 23-iyun kúni Berdaq atındaǵı Qaraqalpaq mámleketlik universitetinde Ózbekstan Respublikası Innovaciyalıq rawajlanıw ministrliginiń 2022-jıl 7-aprel kúngi 103-sanlı “2022-jıl ushın Ózbekstan Respublikası ilim-pán hám innovaciyalar boyınsha milliy bayanlamasın tayarlaw haqqında”ǵı buyrıǵına tiykar, Qaraqalpaqstan Respublikasınıń ilimiy texnik potencialın bahalaw hám bar bolǵan mashqalalardı úyreniw maqsetinde Jáhán bankiniń eksperti Kalambaeva Asel Beysenbek qızı hám oray qánigeleri menen Qaraqalpaqstan Respublikasındaǵı joqarı oqıw orınlarınıń ilimiy isler hám innovaciyalar boyınsha prorektorları, ilim-izertlew institutlarınıń direktor orınbasarları qatnasıwında ushırasıw bolıp ótti.
Ushırasıwda Qaraqalpaq mámleketlik universitetinen Ilimiy izertlewler, innovaciyalar hám ilimiy-pedagog kadrlardı tayarlaw bólimi baslıǵı K.Nizamatdinov qatnastı. Sonday-aq, ushırasıwda ilim-izertlew jumıslarınıń nátiyjeleri, ilim-pán rawajlanıwındaǵı tosqınlıqlar, tarmaqlarda ilim-pándi rawajlandırıw boyınsha usınıslar, orınlanıp atırılǵan innovaciyalıq joybarlar h.b. máseleler dodalandı hám tiyisli juwmaqlar shıǵarıldı.
