Ximiya-texnologiya fakulteti ximiya qániygeligi 3-basqısh studentleri Nókis qalasında jaylasqan Nukus Med Tex kárxanasında ámeliyat ótemekte.  Dáslep bul jerde ámeliyat ótew ushın gigenalıq talaparģa itibar qaratılıp, kárxana ishine kiriw ushın bir neshe dizinfekciya orınlarınan ótip arnawlı kiyimler menen támiyinlendi. Bunnan  ámeliyat basshısı R.Nietbaev hám taraw qániygeleri tárepinen soń jumıs processi hám kórxana ishki tártip qaǵıydaları menen tanıstırıldı.

Student-jaslar dáslep texnika qáwipsizligi menen tanısqannan keyin, bul jerdegi medicinalıq hár túrli ólshem birliktegi shpristlar, sistema shlangları hám shprist iynelerin islep shıģılıwınıń basqıshların, olardıń qay tárizde isleniw processi menen tanıstırıldı. Sonday-aq, ol jerdegi sistema shlangların islew barısın úyreniw ushın hár bir student jas isshi qániygelerge bekitildi. Student jaslar ámeliyat dawamında laboratoriya xanalarında medicinalıq shpristlardıń qay tárizde isleniw processin kóriwge miyasar boldı. Student jaslardıń qániygelik ámeliyatı mazmunlı ótpekte. Biz bul jerde kóplegen ámeliy tájriybelerdi úyrenbektemiz, ózlerimiz sabaqlıq processinde úyrengen polimer islep shiģarıw processlerin házirde ámelde kórmetemiz deydi ámeliyat ótewge kelgen student jaslar.

Nilufar Kuzdibaeva

Ximiya–texnologiya fakultetiı jetekshisi