Yuridika fakulteti professor-oqıtıwshıları, tyutorları hám texnikalıq xızmetkerleri arasında korrupciyanıń aldın alıwǵa qaratılǵan ilaj ótkerildi. Ilajda Rektor másláhátshisi Т.Аytmuratov shıǵıp sóylep, ol óz sózinde búgingi kúnde universitet professor-oqıtıwshıları, tyutorları hám texnikalıq xızmetkerler arasında júz berip atırǵan dámegóyshilik jaǵdayları, universitet kóleminde korrupciya boyınsha unamsız jaǵdaylardıń aldın alıw boyınsha islenip atırılǵan keń kólemli jumıslar, úgit-násiyatlaw ilajları haqqında ayırıqsha toqtalıp ótti. Tilekke qarsı, sonsha islenip atırılǵan jumıslardıń nátiyjesinde jumısshılar arasında bunday unamsız jaǵdaylardıń ushırasıp atırǵanlı ayanıshlı jaǵday ekenligin aytıp ótti. Sonday-aq, korrupciya jınayatınıń aldın alıw hám oǵan qarsı guresiw boyınsha universitette «Kompleans qadaǵalaw bólimi»niń jumısları haqqında aytıp ótip, barlıq professor-oqıtıwshılar hám jumısshılardı bunday illetlerden jıraq bolıwǵa, bunday jınayatlardıń aqırı ayanıshlı aqıbetlerge alıp keliwi haqqında jáne bir máretebe eskertti.

Bunnan soń, Yuridika fakulteti dekanı E.Qutıbaeva shıǵıp sóylep, bunday unamsız jaǵdaylardıń júz beriwi nátiyjesinde awır aqıbetlerge alıp keliwi, oqıw ornı abıroyna keri tásir etiwi haqqında aytıp ótti. Sonıń menen bir qatarda jınayat jazasız qalmaytuǵınlıǵı, Ózbekstan Respublikası Jınayat Kodeksinde kórsetilgen (210-statya – para alıw, 211-statya – para beriw, 212-statya – para alıw-beriwde dáldálshılıq etiw, 214-statya – tawlamashılıq jolı menen haq beriwdi talap etiw, 168-statya – aldawshılıq) statyalarındaǵı jınaıy juwapkershilikler haqqında jáne bir márte tanıstırdı.

Ilaj dawamında fakultettiń barlıq professor-oqıtıwshıları hám texnikalıq xızmetkerlerin bunday jaman illetlerden uzaq bolıwǵa jáne bir márte shaqırıp qaldı.