Qaraqalpaqstan Respublikasında 2022/2023 oqıw jılında akademiyalıq licey, kásip-óner mektepleri, kolledjler, texnikumlarǵa kiriw qálewi bar abiturientler, sonıń menen birge ekinshi joqarı bilimlendiriw, oqıwdı kóshiriw (tiklew) boyınsha talabanlar, 2021/2023 oqıw jılında texnikumlardı tabıslı tamamlaǵan pitkeriwshilerdi joqarı oqıw orınlarına óz baǵdarları boyınsha sáwbet tiykarında qabıllaw hám magistratura abiturientleri ushın Ózbekstan Respublikası Joqarı hám orta arnawlı bilimlendiriw ministrligi arnawlı abiturientler (talabanlar)dı onlayn dizimnen ótiw platformaları iske tústi.
1. magistr.edu.uz -magistratura abitureintleri dizimnen ótiwi ushın (shet tili boyınsha milliy yaki xalıqaralıq sertifikat talap etiledi);
2. kasb.edu.uz – kásip-óner mektepleri pitkeriwshileri (9-klass bazasında);
3. ikkinchitalim.edu.uz – ekinshi joqarı maǵlıwmat alıw ushın talabanlar dizimnen ótiw ushın;
4. suhbat.edu.uz – 2021/2022 oqıw jılında texnikumlardı tabıslı tamamlaǵan pitkeriwshiler sáwbet tiykarında joqarı bilimlendiriw orınlarına qabıllawda qatnasıwı ushın;
5. transfer.edu.uz – mámleketlik joqarı bilimlendiriw mákemelerinen oqıwdı kóshiriw (tiklew) ushın talabanlar dizimnen ótiwi ushın;
6. texnikum.edu.uz – texnikumlarǵa oqıwǵa kiriw qálewi bar bolǵan abiturientler ushın;
7. kollej.edu.uz – kásip-óner kolledjleri abiturientler ushın;
Usı platformalar Nókis qalası hám barlıq rayonlar mámleketlik xızmetler orayı hám de optik talalı internet tarmaqları bar bolǵan qurılmalar (mobil qurılmalardan basqa) arqalı shaxsiy kabinetlerdi ashqan halda dizimnen ótiwi múmkin.
