Ózbekstan Respublikası Ministrler Kabinetiniń “Shańaraq institutın bekkemlew hám hayal-qızlardı qollap-quwatlaw boyınsha 2022-jılda ámelge asırılatuǵın is-ilajlar haqqında”ǵı 2022 – jıl 14-mart kúni ótkerilgen 51-sanlı májlis bayanlaması menen tastıyıqlanǵan jol kartasınıń 55-punktinde “Aymaqtıń 100 dóretiwshi hayalı” hápteligin ótkeriw wazıypası belgilengen.

Usı belgilengen wazıypanı ámelge asırıw maqsetinde usı jıldıń 6-avgust kúni Berdaq atındaǵı Qaraqalpaq mámleketlik universitetinde ilimiy izertlew hám ekonomikanıń túrli tarawlarında dóretiwshilik hám ratcionalizatorlıq xızmeti menen shuǵıllanıp atırǵan hayal-qızlar arasında báseki ortalıǵın qáliplestiriw, olardıń ideyaların hártárepleme qollap-quwatlaw maqsetinde “Aymaqtıń 100 dóretiwshi hayalı” tańlawı ótkerildi.

Tańlawǵa Qaraqalpaqstan Respublikasındaǵı barlıq aymaqları hám joqarı oqıw orınlarınan 18 talaban ózleriniń ilimiy-ámeliy haım biznes joybarları menen qatnastı. Tańlaw júdá kóterińki ruwxta bolıp ótti. Tańlaw juwmaǵına kóre óz nominaciyaları boyınsha tómendegi qatnasıwshılardıń ilimiy joybarları ekspertler keńesi tárepinen joqarı bahalanıp 1-orındı alıwǵa eristi:

–  Qaraqalpaq mámleketlik universitetinen Mambetsheripova Ajargúl Abdiganievna, Sharipova Ayshagúl Ibraimovna, Atamuratova Nurzada Bayramovna;

–  Muxammed al-Xorezmiy atındaǵı Tashkent axborot texnologiyaları universiteti Nókis filialınan Tumaeva Aygúl Medetbaevna;

–  Ózbekstan mámleketlik fizikalıq tárbiya hám sport universiteti Nókis filialınan Reymbaeva Roza Saparbaevna;

–  Qaraqalpaq awıl xojalıǵı hám agrotexnologiyalar institutınan Abdieva Gulmira Muratbaevna;

–  Nókis Jaslar texnoparkinen Aytmuratova Sarbinaz Elmurat qızı;

–  Nawayı kánshilik hám texnologiyalar universiteti janındaǵı Nókis kánshilik institutınan Abdullaeva Shahzoda Farmon qızı;

–  Qaraqalpaqstan Respublikası Ónermentler basqarmasınan Nawbetova Altınay.