Usı jıldıń 17-avgust kúni Berdaq atındaǵı Qaraqalpaq mámleketlik universitetinde Ózbekstan Respublikası Ǵárezsizliginiń 31 jıllıq bayramı múnásibeti menen «Jańa Ózbekstanda el áziz, insan áziz» súreni astında mánawiyat fesitivalı bolıp ótti.

Onda professor oqıtıwshılar, student-ajaslar qatnastı. Dáslep festivaldı universitet rektorı A.Reymov ashıp berdi hám bársheni Ózbekstan Respublikası Ǵárezsizliginiń 31 jıllıq bayramı menen qızǵın qutlıqlap, sońǵı jılları respublikamızda keń kólemli qurılıs hám abadanlastırıw jumısları, Nókis qalası, rayon oraylarında, shetki awıllarımızda, Aral teńiziniń qurıǵan túbinde alıp barılıp atırǵan jumıslar, sonday-aq, búgingi kúnde mámleketimiz tárepinen jaslarǵa berilip atırılǵan imkaniyatlar, jaslardı hártárepleme qollap-quwatlaw, olardıń óz kásibiniń maman qániygesi bolıp jetilisiwi ushın mámleketimiz tárepinen barlıq shárt-shárayatlar jaratılıp berilip atırılǵanı haqqında aytıp ótti. Ilajda Respublika Ruwxıylıq hám aǵartıwshılıq orayı basshıları, elimizge belgili ádebiyat, mádeniyat hám kórkem óner ǵayratkerleri estrada juldızları qatnastı. «Jańa Ózbekstanda el áziz, insan áziz» súreni astında ótkerilgen mánawiyat festivalnda Ózbekstan hám Qaraqalpaqstan kórkem óner sheberleri hámde Hurliman xalıq ansambili tárepinen ózbek hám qaraqalpaq xalıq qosıqları, milliy ayaq oyınları, Watan, ǵárezsizlik, tınıshlıq, abadanlıq, jaslıq haqqındaǵı qosıq hám namalar atqarılıp, festival qatnasıwshılarına ózgeshe zawıq baǵıshladı.

QMU Baspasóz xızmeti