Búgin 22-avgust kúni Berdaq atındaǵı Qaraqalpaq mámleketlik universitetine 2022-2023-oqıw jılında sırt elden hám mámleketlik emes joqarı oqıw orınlarınan oqıwın kóshiriw ushın hújjet tapsırǵan studentlerge kásiplik (dóretiwshilik) imtixanları baslandı.

Áyne máwritlerde Dene mádeniyatı tálim baǵdarına hújjet tapsırǵan studentlerge kásiplik (dóretiwshilik) imtixanları Nókis qániygelestirilgen olimpia rezervleri mektep-internatı sport maydanshasında bolıp ótpekte. Kásiplik (dóretiwshilik) imtixanları ótkeriletuǵın orınlar kameralar menen támiyinlengen bolıp, internet arqalı tikkeley onlayn rejimde baqlap barıw imkaniyatı jaratıldı. Haqıyqatında da ádil hám ashıq-aydınlıq tárizde ótkerilip atırǵan imtixanlar haqıyqıy óz bilimi hám sporttaǵı joqarı sheberligi bar jaslar ushın jáne bir jaqsı imkaniyat bolıp tabıladı.