Húrmetli Prezidentimiz aytqanınday rawajlanıwdıń tiykarǵı irge tası da, mámleketti qúdiretli etetuǵın, milletti ullı etetuǵın kúsh bul, ilim, tálim hám tárbiya bolıp tabıladı degen edi. Sonlıqtan búgin Berdaq atındaǵı Qaraqalpaq mámleketlik universitetinde 2022/2023 taza oqıw jılı aldınan tiykarǵı wazıypalardı belgilep alıw hám tálim-tárbiya sapasın jaqsılawǵa baǵıshlanǵan ilaj bolıp ótti. Ilajda Qaraqalpaqstan Respublikası Ministrler Keńesi Baslıǵınıń orınbasarı R.Saparbaev, Berdaq atındaǵı Qaraqalpaq mámleketlik universiteti rektorı A.Reymov, Nókis qalasında jaylasqan barlıq joqarı oqıw orınları basshıları tyutorları qatnastı. Ushırasıwdı universitet rektorı A.Reymov alıp bardı. Dáslep ol óz sózinde búgingi kúnde mámleketimizde bilimlendiriw tarawın rawajlandırıw, jańa reformalardı ámelge asırıw mámleket siyasatınıń baslı baǵdarlarınan biri ekenligin, mámleketimizde bilimlendiriw sistemasınıń jaqsılaw onı zaman talapları tiykarında modernizaciyalaw, jaslardı joqarı bilimli, fizikalıq hám ruwxıy bay insan etip tárbiyalaw, bilimlendiriw mákemeleriniń basshı hám pedagog xızmetkerleriniń abıroyın asırıw, olardıń nátiyjeli miynet etiwi ushın zárúr shártsharayatlar jaratıw boyınsha bir qatar jumıslar alıp barılıp atırǵanlıǵı haqqında aytıp ótti.
Bunnan soń, Qaraqalpaqstan Respublikası Ministrler Keńesi Baslıǵınıń orınbasarı R.Saparbaev sózge shıǵıp, Húrmetli Prezidentimiz tárepinen Qaraqalpaqstan Respublikasında sońǵı jıllarda misli kórilmegen ózgerisler, atap aytqanda mámleketimiz tárepinen bilimlendiriw sistemasın rawajlandırıw, sonıń menen bir qatarda usı jıldıń 31-avgust kúngi Qaraqalpaqstan Respublikasında isbilermenlik, innovciyalıq texnologiyalar hám infrastrukturlardı jedel pát penen rawajlandırıw arqalı xalıq párawanlıǵın asırıwdıń qosımsha ilajları haqqınnda Ózbekstan Respublikası Prezidentiniń PF 213-sanlı pármanın student-jaslarımız arasında keń túrde úgit-násiyatlaw, keleshekte olardıń mámleketimizdiń rawajlanıwına úles qosatuǵın jetik kadrlar bolıp jetilisiwinde hámme teńdey juwapker ekenligin aytıp ótti. Ilaj dawamında barlıq oqıw orın basshılarına hám tyutorlarına studentlerdiń tálim-tárbiyası menen shuǵullanıw, olar menen turaqlı túrde baylanıs ornatıp, mámleketimiz tárepinen jaslarǵa berilip atırılǵan imkaniyalardı student jaslarımız arasında keń túrde úgit-násiyatlaw boyınsha tapsırmalar berildi.
QMU Baspasóz xızmeti
