Berdaq atındaǵı Qaraqalpaq mámleketlik universiteti baslaması menen búgin universitettiń Shet tilleri fakulteti professor-oqıtıwshıları Moynaq rayonında boldı. Dáslep professor-oqıtıwshılar Moynaq rayonı 1-2-sanlı ulıwma orta bilim beriw mekteplerindegi oqıwshılar menen ushırasıtı. Onda shet tiller fakulteti dekanı Dj.Qurbanbaev sózge shıǵıp, Ózbekstan Respublikası Ǵárezsizliginiń 31 jıllıq bayramı hám, jańa oqıw jılı menen qızǵın qutlıqlap, aldaǵı oqıwlarında tabıslar tiledi. Onnan soń, Ózbekstan Respublikası Prezidentiniń usı jıl 31-avgust kúngi Qaraqalpaqstan Respublikasında isbilermenlik, innovaciyalıq texnologiyalar hám infrastrukturanı jedel pátlerde rawajlandırıw arqalı xalıqtıń abadanlıǵın arttırıwdıń qosımsha ilajları haqqında PP 213-sanlı pármanınıń mazmunı hám onıń áhmiyeti túsindirildi. Sonday-aq, bul Pármanda Qaraqalpaqstan Respublikasında bilimlendiriw tarawında qosımsha múmkinshilikler hám insan kapitalı rawajlanıwın jańa basqıshqa kóteriwge shárt-sharayat jaratıw baǵdarı sheńberinde Qaraqalpaqstan Respublikası jaslarına bir qansha jeńillikler hám múmkinshilikler berilgenligi haqqında aytıp ótti. Sonıń menen bir qatarda, Shet-tilleri fakulteti professor-oqıtıwshıları tárepinen oqıwshılardı shet tillerine qızıǵıwshılıǵın elde asırıw maqsetinde hár qıylı sheberlik sabaqları ótkerildi.

QMU baspasóz xıxmeti