Jańa oqıw jılı baslanıwı menen studentlerdi kóp ǵana sorawlar qızıqtıradı oǵan tiyisli juwaplar alıwdı qáleydi. Kópshilik studentlerdi qızıqtıratuǵın ústeme stipendiya haqqında sorawlarına anıq juwap beriw hám  tereńirek túsinik beriw maqsetinde jaslar menen islesiw, ruwxıylıq aǵartıwshılıq bólimi metodistleri P.Abdirazakova, G.Ajibekovalar Yuridika fakulteti studentleri menen ushırasıp sáwbetlesti. Dáslep studentlerge universitette jaratılǵan imkaniyatlar haqqında aytıp ótip, soń studentler ushın shólkemlestirilgen Studentlerdi xoshametlew fondı haqqında, onıń belgilengen tártipleri, bul stipendiyanı alıw ushın student qanday hújjetler jıynawı kerek? Mine usı sorawlar sheńberinde túsinikler berildi. «Hayallar dápteri», «Temir dápteri»n de turatuǵın shańaraq perzentlerine bazalıq stipendiya muǵdarında bir mártelik 3 ese muǵdarında hám ata-anası 1-gruppa nágiranlıǵı bolǵan studentlerge bazalıq stipendiyanıń 30% ti muǵdarında fond tárepinen qosımsha stipendiyalar beriletuǵının aytıp túsindirildi. Sonday-aq, universitette shólkemlestirilgen tańlawlar, sport jarıslar, ilajlarǵa belsene qatnasıp sıylı orınlardı iyelegen studentlerge ótiw imtixanları 30% «5» bahaǵa juwap bergen bolıwı kerekligin atap ótti.  Ushırasıw sońında studentlerdiń usınısları hám pikirleri tıńlandı.