Bıyılǵı oqıw jılında Qaraqalpaq mámleketlik universitetiniń Dene mádeniyatı fakultetine 28 qız al Geografiya fakultetine bolsa 51 qız oqıwǵa qabıllanıp, student bolıw baxtına miyassar boldı. Student qızlarǵa universitet hayal-qızlar keńesi hám qızlar tálim tárbiyası boyınsha tereń tusinik beriw, olar menen sáwbetlesiw maqsetinde búgin fakultetimizde Hayal-qızlar máseleleri boyınsha rektor másláxátshisi, Universitet hayal qızlar keńesi baslıǵı I.Seytnazarovanıń qatnasıwında Dene mádeniyatı hám Geografiya fakultetleriniń 1-kurs student qızları ushın «1-kurs qızlar mektebi » atamasında jıynalıs bolıp ótti. Jıynalısta Universitet hayal qızlar keńesi baslıǵı Injayım Seytnazarova qızlardı student bolǵanı menen qutlıqlap, hayal qızlarǵa jaratılıp atırǵan imkaniyatlar. Prezidentimizdiń 2022-jıl 7-marttaǵı PF-87 sanlı pármanınıń mazmunı sonday-aq gender teńlik, hayal-qızlar arasında basım hám zorawanlıqtıń aldın alıw, kiyiniw mádeniyatı, universitetimizdiń ádep ikramlıq qaǵıydaları haqqında tolıq aytıp ótti. Sonday-aq fakultetlerdiń hayal qızlar máseleleri boyınsha dekan másláhátshileri G.Jumabaeva hám G.Óskinbaevalar student qızlar arasında alıp barıp atırǵan jumısları haqqında aytıp ótti. Jıynalıs sońında fakultet tyutorları student qızlardı belsendilikke shaqırıp, student qızlar ózleri qızıqtırǵan sorawlarǵa juwaplar aldı.

Hayal qızlar keńesi