Berdaq atındaǵı Qaraqalpaq mámleketlik universitetiniń Qurılıs fakulteti hám Qaraqalpaq filologiyası hám jurnalistika fakulteti tyutorları «Shańaraq, máhálle bilimlendiriw mákemeleri menen birge islesiw» baģdarlaması tiykarında qala aymaģındaģı «Dárbent», «El-abat», «Aq otaw» MPJ aymaǵına barıp, ol jerde ijarada jasap atırģan studentler boyınsha, mákán puqaralar jıyını baslıqları, hayal-qızlar másláhátshileri menen ushırastı. Olar tiykarınan student-jaslar tárbiyasında máhálle hám joqarı oqıw orınlarınıń birge islesiwin elde jaqsılaw maqsetinde sáwbetlesiw ótkerildi. Sonday-aq, máhálle belsendileri, Universitet profilaktika inspektorları, tyutorlar birgelikte, sol aymaqta ijarada jasawshı studentlerdiń úylerine barıp olardıń jasaw shárayatları menen tanıstı. Studentlerge sanitar-gigienalıq talaplar, texnika-qáwipsizlik qaģıydalarına ámel etiw kerekligin aytıp ótti. Sonıń menen bir qatarda tártip intizamǵa boysınıw, túrli buzǵınshı kúshler tásirinen saqlanıw máselesinde úgit-násiyat jumısların alıp bardı.