Berdaq atındaǵı Qaraqalpaq mámleketlik unuversitetiniń Ximiya-teǵnologiya fakultetinde Prezident Pármanınıń mazmunı hám áhmiyetin túsindiriw maqsetinde ilaj bolıp ótti. Onda usı jıldıń 31-avgust kúngi Ózbekstan Respublikası Prezidentiniń «Qaraqalpaqstan Respublikasında isbilermenlik, innovaciyalıq texnologiyalar hám infrastrukturanı jedel pátlerde rawajlandırıw arqalı alıqtıń abadanlıǵın arttırıwdıń qosımsha ilajleri haqqında»ǵı 213-sanlı pármanı hám Ózbekstan Respublikası Prezidenti Shavkat Mirziyoevtıń «Shanxay birge islesiw shólkeminiń Samarqand sammiti: óz-ara baylanıstaǵı dunyada qarım-qatnas hám birge islesiw» atamasındaǵı maqalasınıń mazmún-mánisi onıń áhmiyeti ken túrde úgit-násiyatlaw maqsetinde Ximiya-texnologiya fakulteti professor-oqıtıwshılar, tyutorlar, student jaslar hám tiyisli taraw qánegeleri menen birge iláj ótkerildi. Ilajǵa universitetiń Menedjment hám ekonomika tiykarları kafedrası oqıtıwshısı A.Taspanova, Sociallıq pánler kafedrası oqıtıwshısı M.Maqsetova hám jaslar menen islesiw, ruwxıylıq hám aǵartıwshılıq isleri boyınsha dekan orınbasarı Ǵ.Sultanovlar qatnasdı. Ilájda Pármanıń Qaraqalpaqstan Respublikasında bilimlendiriw tarawında Qaraqalpaqstanlı jaslardıń bilim alıwları ushın jaratılǵan imkaniyatlar, kadrlar tayarlawdı jańa baskıshka kóteriwdegi rejeler, sonday-aq, jas isbilermenlerge islep shıǵarıw hám xizmet kórsetiwde, shańaraqlıq isbilermenlikti rawajlandırıwda qolay shárt-shárayat jaratılǵanlıǵı haqqına student-jaslarǵa keń túrde túsinikler berildi.
