Búgin Berdaq atındaǵı Qaraqalpaq mámleketlik universiteti Shımbay fakultetinde student-jaslar menen ushırasıw bolıp ótti. Onda universitetimizdiń jaslar máseleleri boyınsha prorektor S.Alauatdinov, jaslar awqamı jetekshisi D.Abadanov hám fakultet student-jasları qatnastı. Dáslep universitetimizdiń jaslar máseleleri boyınsha prorektor S.Alauatdinov sózge shıǵıp, búgingi kúnde mámleketimiz tárepinen jaslarǵa berilip atırılǵan imkaniyatlar jaslardı hár tárepleme qollap-quwatlaw, olardıń óz kásibiniń maman qániygesi bolıp jetilisiwi ushın barlıq shárt-shárayatlar jaratılıp atırılǵanlıǵı, bul imkaniyatlardan únemli paydalanıp, sabaqtan bos waqıtları kitap oqıw, til úyreniw kerekligin aytıp ótti. Bunnan soń, sózge shıqqanlar studentlerdiń tártip intizamı, sabaqlarǵa óz waqtında qatnasıwı, keshki waqıtları biymezgil júrmew kerekligi haqqında úgit-násiyat jumısların alıp bardı. Ushırasıwda universitet jaslar jetekshisi D.Abadanov sózge shıǵıp, universitetimizde turaqlı ótkerilip kiyatırǵan ilajlar haqqında maǵlıwmat berip, hám Shımbay fakultetinde de baslanǵısh shólkem jetekshisin saylaw boyınshada óz usınıs hám pikirlerin bildirdi. Ushırasıwda studentler ózleriniń qızıqtırǵan sorawlarına juwaplar aldı.
