Berdaq atındaǵı Qaraqalpaq mámleketlik universitetiniń 7-sanlı studentler turar úyinde Fizika fakulteti hayal-qızlar máseleleri boyınsha dekan másláhátshisi G.Nurımbetova basshılıǵında student qızlar menen Hayal qızlar arasında jınayatshılıqtıń aldın alıw hám studentler úyiniń ishki tártip qaǵıydası, kiyiniw mádeniyatı tártip intizam haqqında sáwbetlesiw shólkelestirildi. Sáwbetlesiwge universitet inspektorları I.Erejepov, R.Tasbaeva, pedagog tárbiyashı M.Jaqsımuratovalar qatnastı. Ushırasıwda studentler qızlarǵa búgingi kúnde hayal-qızlar arasında júz berip atırǵan jınayatlar olardıń aqıbetleri haqqında mısallar menen túsindirip ótti. Sonday-aq qızlardıń oqıwǵa waqtında barıwı, bos waqıtların mazmunlı ótkeriwi, dógereklerge aǵza bolıwı, aldıǵa qoyılǵan wazıypalar, oqıw processi menen baylanıslı pikir hám usınısları tıńlandı. Sáwbet dawamında Fizika fakulteti Hayal-qızlar máseleleri boyınsha dekan másláhátshisi G.Nurımbetova sózge shıǵıp, qızlarǵa studentler turar úyiniń ishki tártip qaǵıydaları, tazalıq máselesi hám joqarı oqıw orınlarında qızlardıń ózin tutıwı haqqında ayrıqsha atap ótti. Sáwbet juwmaǵında student qızlar ózleriniń qızıqtırǵan sorawlarına juwaplar aldı.
Gúlistan Nurımbetova
Fizika fakulteti hayal qızlar máseleleri boyınsha dekan másláhátshisi
